Como axudar aos nosos fillos nos estudos

O luns día 23 de Novembro tivemos a nosa primeira xuntanza. Neste primeiro encontro, falamos coa orientadora do centro, Graciela Fiaño Cacheda, sobre como axudar aos nosos fillos nos estudos.
De toda a ponencia, que podedes volver a ver premendo na ligazón que atoparedes ao final desta entrada, quedámonos coas seguintes intencións:

• Animar aos nosos fillos a que se marquen un obxectivo a longo prazo, que este longo prazo para eles sería o curso escolar: Que queren conseguir neste curso? Cales son as súas espectativas?
• Unha vez marcado o obxectivo principal de curso (un ou dous ao máximo) marcamos obxectivos a curto prazo, a modo de pegadas que nos permitan ir visualizando o avance para acadar o gran obxectivo, por exemplo, nesta primeira avaliación: que me propoño conseguir? (aprobar todas as asignaturas, empezar a estudar diariamente,...)
• E unha vez marcados os pequenos obxectivos poñemos os medios para conseguilos,  un deles, comentado por Graciela, é preparar un horario de estudos realista que ademais, o alumnado do centro, está traballando nas titorías. Dende as casas, podemos revisar ese horario ou facelo se non chegou a completalo, recordando que un alumno/a de 1º da ESO probablemente precise de axuda para confeccionalo, pero un alumno/a de 4º da ESO debería ser capaz de facer o horario de forma autónoma. (na parte inferior da entrada podedes descargar o modelos de horario amosados na xuntanza).
• Feito todo isto so queda a labor de supervisión que como nais e pais debemos de facer a estas idades. Para facilitar esta tarefa e visualizar os progresos, poderemos ir marcando nun calendario que teñamos a man (se hai un na cociña sería o sitio perfecto) os días que foi cumprindo o horario fixado, e se conseguimos cumprilo 21 días poderíamos decir que conseguimos crear un hábito.

Ánimo coa proposta e se tedes algunha dúbida ou queredes facer algún comentario xa sabedes que aquí tedeso voso espazo.​