Sentíndoo moitísimo temos que avisarvos de que a xuntanza que tiñamos prevista para o mes de abril sobre o acoso e que nos iban a das os formadores do  Plan Lector cancélase por un imprevisto do relator. 

O pasado 13 de febreiro estiveron connosco Rafael Gayoso e Jorge Lama, membros da asociación MELISA (Asociación de Usuarios de Software Libre da Terra de Melide) para contarnos que é iso do software libre, e que avantaxes ten a súa utilización.
Algo que nos quedou claro desta xuntanza é a diferenza que existe entre o software privativo e o software libre, e que ademais existen alternativas que polo menos podemos explorar. A continuación e tal e como quedamos na xuntanza, tedes as ligazóns para descargar os programas máis empregados no IES de Melide e cos que traballan os rapaces nas aulas.

• O PAQUETE DE OFIMÁTICA LIBRE OFFICE: ten un editor de textos (WRITER), unha folla de cálculo (CLAC) e un editor de presentacións (IMPRESS). Podedes descargalo da súa páxina oficial:  https://es.libreoffice.org/
• EDITOR DE IMAXES: o que empregamos no centro é o GIMP, permítenos crear e deseñar imaxes, facer animacións e editar fotografías, podédelo descargar na páxina oficial de GIMP na seguinte ligazón: http://www.gimp.org.es/descargar-gimp.html
• EDITOR DE VIDEOS: aquí usamos varios, o OpenShotVideoEditor, que podedes descargar dende a súa páxina oficial premendo na seguinte ligazón:  http://www.openshot.org/download/ ou podedes utilizar tamén o Kdenlive que podedes descargar na seguinte ligazón: https://kdenlive.org/download/

Como veredes hai un montón de alternativas, se nalgún momento queredes consultar algunha opción de software libre podedes buscar na páxina de CD libre (accede premendo na seguinte ligazón: http://www.cdlibre.org/index.html) , aquí atoparedes multitude de programas que se poden instalar en windows, tedes un catálogo e está ordenado por temas alfabéticamente. 

Deixamos no enlace anterior as diapositivas empregadas durante a conferencia, para que poidades botar un vistazo e lembrar os aspectos importantes.

Benvidas familias!

Comezamos este novo curso, e a escola de pais e nais volve a poñerse en marcha.
Agradecemos a vosa participación e colaboración durante o curso anterior, e desexamos que as ponencias planificadas para este curso sexan do voso agrado e vos sirvan de axuda  no proceso educativo dos vosos fillos e fillas.
Pois como ben di un proverbio africano, "para educar ben a un individuo precisamos unha tribu, e para educar ben, cómpre unha boa tribu".  Como familias, somos un dos piares desa gran tribu, e través desta escola, coñeceremos moitos temas do noso interese que nos poden facilitar esta tarefa.
Sen máis preámbulos, comunicamos cando terá lugar a primeira xuntanza.


Primeira xuntanza do curso 2016/2017.


LUNS 24 DE OUTUBRO. 18:15horas.

 Salón de actos do IES de Melide. Sito na aula 309.

TEMA A TRATAR.
" Como axudar ós meus fill@s cos estudos?"

PONENTE.
Mª Jesús García Taboada. Orientadora do IES de Melide.

O pasado 25 de xaneiro estivo connosco Silvia Folgueira, con ela tratamos de buscar medios e maneiras que nos faciliten a comunicación cos nosos fillos. Déixovos a continuació a presentación que nos puxo Silvia por se queredes refrescar as cousas que alí falamos.
Un saúdo

O pasado 14 de decembro tivemos connosco a Carme Loureiro López, psicóloga con 36 anos de experiencia docente. Falounos sobre a adolescencia, os cambios que se producen no adolescente e tratounos de orientar sobre como posicionarnos ante estes cambios e os retos que nos plantexa esta nova etapa dos nosos fillos.
Charla e debate moi amenos que dende aquí queremos agradecerlle e esperamos contar con ela máis adiante.
Déixovos a presentación que empregou na charla por se alguén quere revisala de novo.
​

Este luns día 14 teremos a próxima xuntanza da escola de nais e pais. Estarán connosco Carmen Loureiro López, psicóloga experta en educación emocional que nos axudará a entender que cambios se producen no adolescente: tanto no seu físico como na súa maneira de comportarse e a súa maneira de pensar e de razoar. Entender todos estes cambios son o punto de partida para poder achegarnos a eles de forma efectiva e axudarlles na resolución de conflitos. Esperámosvos 

• LUNS DÍA 14 DE DECEMBRO ÁS 18:10 NA BIBLIOTECA DO IES de MELIDE